real #10yearschallenge (حراس البيئة)



التحدي الأصعب هو التحدي الجماعي لأنه بيتطلب من كل واحد فى فريق العمل نفس الروح الإصرار والإيمان بالعمل علشان نقدر نتغلب مع بعض على كل العقبات وده اللى حصل فى مشروع حراس البيئة بعد تلقي شكاوي من الأهالى لمشكلة تجمعات القمامة قررنا نشيلها وفى نفس الوقت نشغل الشباب والبنات والأهم اننا نغير الصورة الذهنية لموظفين جمع القمامة وأنهم فعلا حراس بيئة (مش زباليين)

كنا عارفين انه موضوع مش سهل فبدأنا بتأهيل أبطالنا الأول إنهم إزاى يتعاملوا مع المستفدين بالخدمة و إزاي يحلوا المشاكل اللى تقابلهم وبعدها هيئنا ليهم بيئة تحترم عملهم بدورات توعوية للأهالى، وحصلنا على منحة من الصندوق الاجتماعي للتنمية لتوفير فرص عمل ل150 شاب والمنحة خلصت بس التحدي والمشروع مستمر و بنفس مستوي الخدمة ولسه هناخده لباقي القري ونطور فيه أكتر و أكتر

تحدي حراس البيئة بيشارك فى نجاحه الجميع مش بس أصدقاء الخير بداية من المستفدين(الأهالي) بإستجابتهم وإيجابيتهم لتغير نظرتهم إن موظف جمع القمامة حارس البيئة مش زبال،

هدفنا حارس بيئة لكل محافظات مصر بدأ التحدي بالفيوم حاليا المشروع بيخدم اكثر من 20 الف أسرة وفى 2019 هانكون فى بنى سويف ان شاء الله ولازال التحدي مستمر