#10yearchallenge ماما هالة


ماما هالة

كلام كتير ممكن يتقال عن اي تحدي
لكن فيه تحديات الكلام صعب يشرحها
زي تحدي ماما هالة

تحدي اختارت انها تخوضه كل يوم وكل ساعه اختارته بحب ،تحدي بيقف الكلام عن وصفه عشان كله مشاعر

ماما هاله بتربي ٢٤ طفل نصهم بنات ونصهم ولاد ، بتربيهم من عمر يوم لحد مابقوا ١١ سنه
تحديها الحقيقي مش انها ترعاهم تحديها الحقيقي انها تكون ليهم ام حقيقية بتحتوي وبتحتضن وبتحب ، خلال مشوار تحديها كنا معاها كتف بكتف وشاهدين علي اخلاصها وحبها للاطفال ،
ماما هاله زيها زي اي ست بيت عندها مشرفات او عاملات بيساعدوها في امور البيت لكن هي محتفظه لنفسها ولاولادها انها تكون امهم الوحيدة لما تشوف الاطفال وتتعامل معاهم وتفوقهم الدراسي والرياضي كمان ، تلمس قد ايه صحتهم النفسيه سليمه

ماما هاله تكمله الصوره لما بنقول الدنيا جري فيها ايه لما ناس بترمي ولادها لو بصينا الناحيه التانية هانلاقي برضه ماما هالة بتربي وبتحب وبتحتضن ٢٤ طفل مش ولادها فتعرف ان الدنيا لسه فيها خير ❤️فيها قلب
ماما هالة ❤️

تجربه ماما هاله عرفتنا ان فيه ناس عندهم قلب وفيه ناس عندهم قلب ماما هاله ❤️

اصدقاء الخير فخورة انها بتشاركك تحديكي وعطائك
شكرا ماما هالة رمز العطاء والتحدي 😍
#10yearchallenge
#اصدقاء_الخير
#نحترف_العطاء